Cooperación internacional,
Educación para o
desenvolvemento e Comercio
Xusto

¿Por qué no? Somos un grupo de 4 amigos: Martina, Marta, Luís e Jorge, que despois de 5 anos desenvolvendo o noso labor en diferentes proxectos en Kenia, constituímonos como ONGD de maneira oficial o 12 de xuño de 2017…

Despois de darlle voltas durante moitos días e de que non se nos ocorrera ningún nome, a Luís ocorréuselle a idea do actual. A verdade é que sempre que nos xuntamos estamos falando de: Por que non facemos un pozo?…

Somos unha organización non gobernamental de desenvolvemento, aconfesional e sen ánimo de lucro, que promove a xustiza social en calquera parte do mundo a través de Proxectos de Cooperación Internacional, Educación para o desenvolvemento, Sensibilización e Comercio Xusto.

“¿Por qué no?. Unha pregunta habitual nas nosas reunións dá nome á nosa ONGD.”

Misión

Con todas as nosas actividades tratamos de acadar un modelo de sociedade baseado en:

Desenvolvemento económico, social, cultural, sostible e equilibrado.
Protagonismo das organizacións locais.
Xestión sostible dos recursos naturais e mellora do medio ambiente.
Erradicación da pobreza, a discriminación e a marxinación.
Logro de niveis de vida digna para as poboacións máis pobres.
Igualdade de trato e respecto á identidade de xénero, orixe racial, étnica ou social, á nacionalidade, relixión ou crenzas, á orientación sexual, todas elas como dereitos inalienables de todos os seres humanos.

Visión

Optamos por un modelo de cooperación que non produza novas dependencias, que consolide ou reforce os procesos de desenvolvemento humano autónomo e sostible, que traballe na medida do posible con organizacións locais, promova a participación dos beneficiarios e a igualdade de oportunidades entre homes e mulleres.

Para que todo isto sexa posible, temos claro que debemos ser unha organización autosostible, sen dependencias que, nalgún momento, nos poidan impedir continuar cos nosos proxectos.

Onde Traballamos?

O noso traballo no terreo localízase en Guatemala, aínda que tamén realizamos colaboracións con outras ONGs en diferentes países como Guinea Bissau ou Zimbabue.
Aquí chos presentamos: