Inicio » ONG ¿Por Qué No?

Educación e atención a mulleres e infancia que sofren violencia.

Cooperación internacional en Guatemala. Infancia e mulleres

¿Quen Somos?

Un grupo de persoas que as move a xustiza social.

¿Por qué no? nace dunha amizade. A de Martina, Marta, Luis e Jorge, que despois de moitos anos desenvolvendo diferentes proxectos en Kenia, constituímonos como ONGd de maneira oficial o 12 de xuño de 2017.
Nº 2017/021462-1ª do Rexistro de Asociacións da Xunta de Galicia
Nº Inscrición Nacional: Sección 1, nº 616265.

Despois de darlle voltas ao nome e de que non se nos ocorrera ningún, Luis tivo a idea do actual. A verdade é que sempre que nos xuntamos estamos falando de: Por que non facemos un pozo? Por que non comezamos con bolsas universitarias? Por que non mercamos uniformes e calzado para o noso alumnado?
Por que non…

Somos unha organización non gobernamental de desenvolvemento, aconfesional e sen ánimo de lucro, que promove a xustiza social en calquera parte do mundo a través de Proxectos de Cooperación Internacional, Educación para o desenvolvemento, Sensibilización e Comercio Xusto con enfoque transversal de xénero e diversidade.

ver os nosos logros

A educación de calidade como un dereito e as mulleres e infancia, a vida, no centro.

ver que facemos

A NOSA VISIÓN

Con todas as nosas actividades tratamos de acadar un modelo de sociedade baseado en:

Desenvolvemento económico e social de forma sostible e equilibrada, respetando as identidades.

Protagonismo das organizacións locais.

Xestión sostible dos recursos naturais e mellora do medio ambiente.

Erradicación da pobreza, a discriminación e a marxinación.

Logro de niveis de vida digna. Traballo coas familias en situación de vulnerabilidade.

Screenshot 2026 03 20 12 30 55 426 Com.instagram.android Edit

Eixes transversais en igualdade e diversidade. Todas as persoas teñen os mesmos dereitos.

A NOSA MISIÓN

Optamos por un modelo de cooperación que non produza novas dependencias, que consolide ou reforce os procesos de desenvolvemento humano autónomo e sostible, que traballe na medida do posible con organizacións locais, promova a participación de todos os axentes implicados e a igualdade de oportunidades entre homes e mulleres.

Para que todo isto sexa posible, temos claro que debemos ser unha organización autosostible, sen dependencias que, nalgún momento, nos poidan impedir continuar cos nosos proxectos.

¿Onde e en que Traballamos?

O noso traballo realízase en comunidades rurais de Guatemala, aínda que tamén temos colaboracións con outras ONGs, actualmente en Zimbabwe con Fundación Tribu Kifaru, e dende o 2021 tamén na nosa cidade, en A Coruña:

PROGRAMA DE BOLSAS DE ESTUDIO

Bolsas de estudos primarios, secundarios e universitarios en dúas comunidades rurais: San Juan La Laguna e San Antonio Palopó.
Facémolo a través de 2 instrumentos: un de bolsas propias da asociación e outro de apadriña/
amadriñamento.

Actualmente 40 nenas e nenos con bolsa.

ARTESANÍA. COOPERATIVAS DE MULLERES INDÍXENAS ARTESÁS

Temos un forte compromiso co comercio xusto, polo que colaboramos con artesás indíxenas que participan en proxectos de comercio xusto, moitas das cales son nais do noso estudantado bolseiro.

PROGRAMA DE AMADRIÑA/APADRIÑAMENTO

Este programa de bolsas de estudos conecta estudantes que queren estudar e cuxas familias se atopan en situación vulnerable con persoas da nosa comunidade que queren apoiar a súa educación dun xeito máis comprometido e directo.

IDENTIDADE CULTURAL. ESCOLA IMPACTO

Este programa de bolsas de estudos conecta estudantado que quere estudar e cuxas familias se atopan en situación vulnerable con persoas da nosa comunidade que queren apoiar a súa educación dun xeito máis comprometido e directo.

VIOLENCIA CONTRA MULLERES E INFANCIA.
CASA AQABAL

Un proxecto integral de apoio para mulleres sobreviventes de violencia machista e as súas familias en San Lucas Tolimán.

ESPAZO SEGURO.
CENTRO CULTURAL COMUNITARIO

Creado pola asociación catalá Kemonik, a que coñecemos e colaboramos dende hai anos, este lugar conta cunha biblioteca, unha sala de xogos e unha área de psicoloxía. Ubicado en San Lucas Tolimán.

ARTE. COMPAÑÍA DE MONICREQUES CHÚMBALA CACHÚMBALA

Colaboramos con esta compañía co seu Festival Internacional que ela mesma organiza. Ademais lles contratamos obradoiros de formación e algunha sesión no que a arte é ferramenta social.

PROTECCIÓN ANIMAIS EN PERIGO DE EXTINCIÓN. FUNDACIÓN TRIBU KIFARU

O traballo desta Fundación, a través do seu presidente, Dani Serralta, é un deses proxectos que nos conecta fortemente coa protección dos seres máis vulnerables. Neste caso, os animais en perigo de extinción, especialmente os rinocerontes.

Trabállase principalmente Zimbabue.

FAMILIAS DIVERSAS. CENTRO SOCIAL A CORUÑA

Na Coruña, traballamos con familias na educación non formal a través de actividades socioculturais.

A través do Programa para Familias Accesible e Inclusivo, actualmente na súa sexta edición, facemos que a cultura sexa accesible para todos, independentemente da súa idade ou capacidade.

Tamén traballamos con intervención en colexios.

As nosas ideas

Non somos valentes, nin estamos tolas e tolos. Somos peroas soñadoras.
Un día tivemos un soño, e hoxe é realidade. Axudar é demasiado fácil para non facelo.

Jorge Rodríguez

Presidente

«Por qué no» significa para min oportunidade. Traballar para ofrecer oportunidades a quen a vida non llas da fácilmente. Oportunidade de conseguir o ben común, a través do apoio mutuo, oportunidade de aprender e medrar, e sobre todo, oportunidade de crer que un mundo máis xusto é posible.